De NB Elmshorn wünscht all de Tokiekers, de wi harrn, all de, de op Nedderdüütsch-Theoter töövt un all de, de wi as nie Tokiekers begrööten wüllt - een heel un deel "Frohes, gutes, neues Jahr 2022" ! Tööven op Theoter - so weer dat ook an`n Sünnavend, 27. Novembermaand 2021, in Horst, Kreis Steinburg: De Gemeende Horst harr ehre Senior/inn/en inlaadt to Koffi un Koken - un to Theoter ! Dat weer kuum to glööven, awer as de Vörhang opweihen dä, dor harrn de Speellüüd vun de Elmshorner Speeldeel dat begrepen: Wi hebbt Theoter speelt ! Toeerst de "Jungen Platten", achteran Gerdi "solo" un to´n Sluß een eenaktig Theoterstück - "De Apenbarungseid" vun Heino Buerhoop. As al seggt: Kuum to glööven, awer wi hebbt wedder Theoter speelt ! Schient so, dat dat wedder mit dat Theoterspelen in düsse Pandemietiet losgahn kann: Mit Vörsicht, Wietsicht, Översicht ! Wüllt höpen, dat jichtenswann de Pandemie ünner Kuntrull is ! Uns Motto in düssen Januarmaand 2022 is: Wi plaant, as wenn ...! Un so wüllt wi - wenn´t geiht - noch in düssen eersten Maand vun´t nie Johr mit dat Prooven för "Harald un Maud" vun Colin Higgins vun 1971, nedderdüütsch vun Manfred Brümmer vun 2016, losleggen ! (Stand: 1.1.2022)